Sri Annavara Satyanarayana Suprabhatam—( Annavara Satyanarayana Swamy Suprabhatam )Grants Any Wish .

Details

Description

Shrimad Annavara Satyanarayana Suprabhata Stotram


can accomplish their goals and fulfill their aspirations.
It improves the physical and mental health of individuals drastically.
It helps devotees to enjoy their material life and increase overall family prosperity too.
It removes all sins from the past life.
It is done for inner peace and happiness.
This worship is also beneficial for fixed marriage as early as possible and also for pleasant marriage.
It clears the negativity surrounding oneself and grants optimism.

śrīrastu .
uttiṣṭhānnavarādhīśa uttiṣṭha vratamodita .
uttiṣṭhottiṣṭha viśveśa satyadeva dayānidhe

brāhme muhūrta utthāya kariṣyanti tava vratam .
satyavratānumodārthaṃ uttiṣṭhottiṣṭha satvaram

uttiṣṭha nirguṇākāra bhaktānāṃ pālanaṃ kuru .
uttiṣṭhottiṣṭha śuddhātman ratnādrivasatipriya

uttiṣṭha kamalākānta uttiṣṭha puruṣottama .
uttiṣṭhānantapāleśa trailokyaṃ paripālaya

vinā satyadevaṃ kalau nāsti muktiḥ
sadā satyadevaṃ smarāmi smarāmi .
karomīśa satyavrataṃ dīnabandho
na cānyaṃ smarāmo na cānyaṃ bhajāmaḥ

bhajāmi tvadaṅghriṃ na yāce'nyadevaṃ
sadā deva yāce kṛpālo bhavantam .
prabho dīnabandho vibho lokarakṣin
śaraṇyastvamevāsya dīnasya nātha .

na jānāmi dharmaṃ na jānāmi cānyaṃ
tvamekaśśaraṇyo gatistvaṃ tvamekaḥ .
anāthaṃ daridraṃ jarārogayuktaṃ
kṛpāpātramenaṃ kuru śrīnivāsa

na tāto na mātā na bandhurna dātā
gatistvaṃ tvamekaśśaraṇyastvamekaḥ .
harīśaṃ hareśaṃ sureśaṃ girīśaṃ
bhaje'haṃ sadāhaṃ na jānāmi cānyam

prātaḥ smarāmi balasatyapadābjayugmaṃ
śīrṣoparisthitaguroraparasvarūpam .
vedāntavedyamabhayaṃ dhṛtadevarūpaṃ
satyāvatārajagatītalapāvanaṃ ca

prātarnamāmi varasatyavibhuṃ pavitraṃ
rakṣogaṇāya bhayadaṃ varadaṃ janebhyaḥ .
satyāvatīsahitavīravarasvarūpaṃ
dīnānupālanarataṃ paramādidevam

prātarbhajāmi varasatyapadāravindaṃ
padmāṅkuśādiśubhalāñchanarañjitaṃ tat .
yogīndramānasamadhuvratasevyamānaṃ
pāpāpahaṃ sakaladīnajanāvalambam

prātarvadāmi vacasā varasatyanāma
vāgdoṣahārisakalāghanivāraṇaṃ ca .
satyavratācaraṇapāvanabhaktajāla
vāñchāpradātṛsakalādṛtabhavyatejaḥ

prātaḥ karomi kalikalmaṣanāśakarma
taddharmadaṃ bhavatu bhaktikaraṃ paraṃ me .
antaḥsthitena śubhabhānucidātmakena
satyena lokaguruṇā mama siddhirastu

lakṣmīsameta jagatāṃ sukhadānaśīla
padmāyatekṣaṇa manoharadivyamūrte .
lokeśvara śritajanapriya satyadeva
śrīratnaparvataniketana suprabhātam

pāpāpahāra kalidoṣaharātidakṣa
śrīmannagālaya manoharasatyamūrte .
kāruṇyavīkṣaṇa mahāmahimāḍhya deva
nityaṃ prabhātasamaye tava suprabhātam

tāpatrayāpahara satyavatīprasanna
dāmodarāmarapate kamalāsusevya .
uttiṣṭha pālaya daridrajanālibandho
satyavratapriya vibho tava suprabhātam

śrīpadmanābha puruṣottama satyadeva
pampānadītaṭanivāsa samastarūpa .
saṃsārabandhanavimocana dīnabandho
śrīkṛṣṇa pālaka vibho tava suprabhātam

śrīrāma eva bhavadīya dayāviśeṣāt
setuṃ babandha jitarāvaṇarākṣasaughaḥ .
satyavratasya mahimā gadituṃ na śakyā
satyavratapriyapate tava suprabhātam

satyavratasya phaladānavaśānubaddha
santānalābhakara he prabhusatyadeva .
saktāliricchati tava vratasādhanaṃ bhoḥ
uttiṣṭha sādhaya vibho tava suprabhātam

saṃsevya sādhuhṛdi saṃsphuradātmatattvaṃ
saccitsukhaṃ paramanantamatīndriyaṃ ca .
prāpnoti bhakta iha muktipadaṃ sthiraṃ ca
māṃ rakṣa nityakṛpayā tava suprabhātam

satyaprabhustu manaso vacasāmagamyaḥ
vāco vibhānti nikhilā yadanugraheṇa .
yasya vratācaraṇabhāgyamahaṃ smarāmi
nārāyaṇācyuta vibho tava suprabhātam

sāmbena yuktavarasatyavibhusvarūpaḥ
sevyaḥ sadā hariharātmakadivyamūrtiḥ .
etādṛśaḥ sthitiragamyamahāvicitraḥ
tvaṃ deva pālaya vibho tava suprabhātam

śrīmannabhīṣṭavaradākhilalokabandho
śrī śrīnivāsa janatāpaha vīravarya .
śrī bhrājadannavaravāsa susatyamūrte
māṃ pāhi pāhi varadācyuta suprabhātam