Aah ko chaahiye ik umr - Mirza Ghalib (all couplets) - Shailly Kapoor

Details

Description

aah ko chāhiye ik umr asar hote tak
kaun jiitā hai tirī zulf ke sar hote tak

āshiqī sabr-talab aur tamannā betāb
dil kā kyā rañg karūñ ḳhūn-e-jigar hote tak

ham ne maanā ki taġhāful na karoge lekin
ḳhaak ho jā.eñge ham tum ko ḳhabar hote tak

yak nazar besh nahīñ fursat-e-hastī ġhāfil
garmī-e-bazm hai ik raqs-e-sharar hote tak

dām-e-har-mauj meñ hai halqa-e-sad-kām-e-nahañg
dekheñ kyā guzre hai qatre pe guhar hote tak

partav-e-ḳhur se hai shabnam ko fanā kī ta.alīm
maiñ bhī huuñ ek ināyat kī nazar hote tak

ġham-e-hastī kā 'asad' kis se ho juz marg ilaaj
sham.a har rañg meñ jaltī hai sahar hote tak