风流天子之上林苑题诗 - 胡桂馨、冯百成

Details

Description

新马师曾名曲：风流天子之上林苑题诗

生：(唱小曲醉酒)御园花呀开遍。(白)你爱花唔爱架丽丞相!
旦：(白)微臣忙于国事, 无此閒情逸致噃! 主上!
生：(白)嚱! 嘥晒嘥晒! (续唱)孤愿抱花呀眠。 (白)抱花眠, 係好趣嘅噃, 丽丞相!
旦：(白)嗄! 赏花, 惜花, 都还可以, 抱花眠就似乎係亵渎啲啦!

生：(续唱) 你睇杏媚桃豔, 呢嗰隻浪呀蝶, 已心呀都呀软咯! 永日绕花呀前。(白) 花嘅颜色, 花嘅香气, 係好得人爱嘅。嗄! 但係花, 又唔知道人爱佢嗰度弊呢! (转士工慢板下半句)枉我爱花, 不厌。
旦：(白)主上! (接唱)花有空谷兰, 未必由人爱。
生：(序白)我爱嘛得咯! 使乜人爱啫!
旦：(续唱)漫谈花事, 已到白石桥边。
生：(接唱)我叫句丽卿呀家! / 旦：(接唱)尊声万岁爷。
生：(白)嗄!
旦：(白)主上!
生：(接唱)对此画意诗情, 正好把你嘅才华一呀展。(白)丽丞相, 你正係才高八斗, 咁哩! 吟首即景嘅诗畀孤皇听下好吗!
旦：(白)微臣敬谢不敏呀! (士工滚花下句)我不是诗人李太白, 岂容献丑在君前呀! 你睇上林景色胜天堂, 请恕我笔未生花, 难渲染呀!

生：(接唱)丽卿呀! 你诗清如水, 应份要一挥而就, 你都莫多言好吗!
我呼宫监，唤宫娥, 即刻奉上云笺和墨砚呀! (白)嚟啦! 嚟啦! 听下话啦! 丽丞相, 哪, 而家你想写景咪就写景, 你想写情咪就写情咯, 而且你係女。。。
旦：(白)嗄! 主上!
生：(白)磊落光明嘅大丈夫吖嘛。咁又使乜怕羞怕到耷耷头, 左左面呢!
旦：(白)主上! 我之所以低头係思想, 我之所以侧面係沉吟嘛! 我经已胸有成竹, 等我挥成诗句献君前。
生：(白)好呀!
旦：(白)诗已写成, 敬呈御览。/ 生：(白)好呀!
旦：(花下句之上半句)草草书成皇呀恕宥。
生：(接唱花下句之下半句)哈! 果然转眼就成呀篇。
旦：(接唱花上句之上半句)可惜诗句甚平常。

生：(白)唔会! (接唱花上句之下半句)我话卿家你可圈还可点。(白)哪! 丽丞相, 你听下孤皇有冇读错。(诗读白)白石桥头纵马蹄, 春风拂袖柳初齐, 碧城倒影烟波暗, 青幔遮阴日色低。流水静中双燕语, 隔花深处一莺啼, 上林九度留金辇, 雨露恩浓舞席西。(白)啊! 真係好诗好诗, 係卿家你至谂得到嘅! (唱小曲春风得意)你吟呀诗的句子, 确属自然, 嚸得我共卿你长日对, 风花雪月天。

旦：(接唱)乱咁吟诗休取笑, 不过描摹下啲景色, 句句是胡言。
生：(接唱)宰相吟诗意味甜。(转爽七字清中板下句)甜诗一首, 惹情牵呀! 美人心, 容易软, 等我来挑逗, 结奇缘。(直转士工滚花)我举丝鞭, 拂柳条, 我弹起那绿叶凝珠, 溅上你嘅芙蓉粉面!

旦：(白)哎呀! (沉腔滚花下句)唉吔吔! 君皇戏弄, 有意痴缠呀! (唱小曲那个不多情)鞭花拂柳, 露珠飞溅, 知佢有意想摘, 纯洁白莲。宁为玉碎, 心最坚，唯一之希望, 立即出御园。唉! 冇翼我嚸飞呢! 确係够惊险, 皇是寻花蜂, 採花心易见。

生：(白)卿家, 你嚸解唔出声呀!
旦：(白)冇野呀! 主上!
生：(减字芙蓉)梗係嬲我都乐忘形, 把啲露珠弹粉面呀! (白)等我同你抹翻乾净佢呢!
旦：(接唱)君臣应守礼, 请勿损庄严呀!
生：(白)庄严! 哈哈! (士工滚花)齐家治国就要讲庄严, 讲到弄月吟风, 我地就要谈下香豔好吗! (白)哪! 丽丞相, 我有一首即景嘅豔诗, 可以话呢, 要来讚美你嘅! 你听住咯噃!

旦：微臣恭听呀!
生：(念白)风流旧态帽欹斜，柳叶飞珠溅面霞。人到上林花减色，生成玉貌似娇娃。(白)有无赞错呀!
旦：(白)哎呀! (长句滚花下句)心惊震, 口难言, 难怪话伴君犹如伴虎眠, 睇佢妙语双关何宛转，诗词句句呀! 都有弦外之言。

生：(二黄)乜你默默都无呀声, 究竟你听呀唔听见! (唱序)呢首诗词都怕够香豔挂!
旦：(接唱)有此香词豔句, 可以引呀动, 婵娟。(唱序)可惜我係男子不情呀牵。
生：(接唱)我共你相对呀吟哦, 似唔似那一呀双。。。
旦：(白) 一双乜野呢, 主上!
生: (续唱)情呀燕!

旦：(白)计我话就唔似啦, 主上! 大家都係男人，咁又嚸会似呢!
生：(白)可惜你声声都话係男人。之如果你係女人就。。。
旦：(白)哎! 主上! (快中板下句)明堂不是女娇妍, 既属君臣应自检, 岂能戏弄作狂言。（滚花)朝中事, 不可忘。我别过明君会呀上苑呀!

生：(白)哎哎哎! 卿家! 咪扯住得架, 讲下笑使乜咁认真呢! 唔岩我地去第二处行下啦!
旦：(白)嗄! 去第二处, 主上! 唔好啦! 你睇下, 个天都黑嗮咯!
生：(白)哦哦哦! 个啲係花阴啫嘛!
旦：(花下句之上半句)一声无奈陪皇驾。
生：(接唱花下句之下半句)等我安排妙计网彩鸾。