尹光 / 胡美儀 - 風流天子之天香館留宿 (新馬師曾不巧名曲第二輯)

Details

Description

尹光 / 胡美儀 - 風流天子之天香館留宿

生白：卿家
旦白：吓
生白：小心啲行呀
旦白：我會㗎啦主上
生白：嗱嗱嗱　上石級啦　上石級啦
旦白：哎呀　主上你做乜成日唧人嘅啫
生白：嘿嘿　我習慣手勢　嘿嘿
　　　蕉皮　蕉皮　我驚跌親你個菠蘿蓋呀
生：呢呢共你攜手到天香　我共你飲杯為至上路
　　正所謂飲教微醉　咁至有商量
　　自古話醉月醉月飛觴　咁至情快暢
　　趁住燈紅酒綠　仲有意飛揚
　　如此風月風月良宵　少不了葡萄佳釀
旦：主上你何必以酒為鄉　我亦愧無滄海量
生白：你謙啫
旦：自古話酒為毒藥
生白：邊個話
旦：可穿腸
生白：你飲少啲咪得囉
旦：莫令酒迷我呢個愚宰相
　　不容酒誤我地個好君王　錦鏽河山宜永享
生白：望就梗係咁望啦
旦：試問風流天子
生白：乜你知道我風流㗎咩
旦：有幾個國運能長

生：今日天下都太平　有福就要君臣嚟共享
生白：嚟啦　嚟啦　聽吓話啦
　　　咪掃興呀　飲杯先
旦白：我唔曉飲酒㗎　主上
生白：嘿嘿　嗱　密斟啲　斟密啲咪幾好
生：同歡暢　同歡暢　兩家醉後又歌唱
　　明堂甜美非常　我之所以愛明堂
　　你是玫瑰幾咁動人　王心終日向
旦：亂言亂語多怪象
　　酒不應醉　歌不應唱
　　九五尊　為何入醉鄉
生：消吓愁　齊齊沉醉一場
　　醉咗走去舞霓裳
　　我願留你今晚同床　尤為歡暢

生白：嘿嘿　卿家　孤皇都有啲醉醉地啦噃
　　　不如咁呢　我地今晚君臣同床共宿都好掛
旦白：唉　主上　你係君我係臣呀
生白：係呀
旦白：點可以同床共宿呢
生白：唔怕呢
旦：佢詐醉來調戲　完全唔像帝王
　　我好心慌
生：嘻嘻　過嚟共我講啦　何必對王咁端莊
旦：越講你越奇　我要歸家往　敬乞明君恩諭降
生白：不准

生：今晚天香情調美　一定都要同床
　　我表示愛賢臣　替你脫下麒麟蟒
旦：君前不露體 為怕過刀亡
　　天香館地必須離　有話留回金殿講
生白：唓　金鑾大殿　咁多文武百官
　　　點講呀　係呢度講好啲　唔怕呢
旦白：唔好呢
生白：都話唔好呢
太監白：皇后到
生白：哎吔　皇后到　無晒行啦
生：宮監一聲傳皇后到
　　我呢個風流皇帝眼光光就冇晒行係囉
旦：謝天謝地囉